Ardal Blant a Phobl Ifanc

Sesiwn Recordio Rocyr Glas
Cyfle i hyd at 5 person (rhwng 8 a 18 oed) i recordio trac – canu, offerynnol neu gyfuniad o’r ddau. Bydd yr offerynnau canlynol ar gael at eich defnydd – gitar fâs, gitar drydan, allweddellau, set o ddrymiau ac iwcalelis. Croeso i chi ddod ac unrhyw offeryn gyda chi. Gallwch ddod a thrac cefndir gyda chi neu os hoffech i ni ddarparu trac penodol, gwnewch nodyn wrth fwcio, a fe wnewn ein gorau i helpu. Ceisiwch baratoi / ymarfer o flaen llaw ar gyfer eich sesiwn o hanner awr. Gan mae Ŵyl Gymraeg yw hon, awgrymir i chi recordio yn y Gymraeg. Bydd cyfle i rieni / ffrindiau i weld a chlywed y sesiwn ar sgrîn tu allan i’r fan recordio.
Dim ond 1 person sydd angen fod yn gyfrifol am fwcio slot yr unigolyn neu’r grŵp.
Peiriannydd: Billy Morley

‘Escape Room’ Jengyd
‘Escape Room’ mewn carafan! Allwch chi jengyd mewn llai na hanner awr? Cyd-weithiwch mewn tîm o hyd at 5 person (rhwng 12 a 18 oed) i weithio’ch ffordd mas.
Dim ond 1 person sydd angen fod yn gyfrifol am fwcio slot y grŵp. Ceisiwch lanw’r slot gyda 5 person – mae’n bosib bydd eraill yn ymuno â chi ar y dydd os yw’ch grŵp yn llai na 5.